Nel Amaro
viernes, 4 de febrero de 2011
jueves, 3 de febrero de 2011
Orbaya. Fuera orbaya. Soi yo el que fala de ti. (...)
Fotografía tomada de http://chamicu.nirudia.com/slide IV
Orbaya. Fuera orbaya. Soi yo el que fala de ti.
También orbaya equí dientru. Yes tú el qu'escribe de min.
Nin tú nin yo seríemos pa orbayar: failo un dios.
La poesía ye estraña, vive acullá del orbayu,
non onde los dioses viven sinón enforma más llueñe,
nun llugar secretu de la concencia, de la gramática.
Si nun viviere tan llueñe, coyería un paragües
y diría escontra d'ella. Prestaríame topala,
charrar una terdi entera, acontinar pela nueche,
dando la parola, pitu tres pitu, tiza que tiza,
xugar un pocu al axedrez, amanos albentestate.
Si nun viviere tan llueñe llevaría-y al mio fíu,
un llibru de poesía humana pa comentalu,
o una botella d'agua enllena de tierra vivo.
Pero, llector, ye imposible: diste en qu'orbayaba porque
tú o elli o yo lo dixe y ye dafechu mentira,
hai yá casi una selmana que ta nevao y güei mesmo
la xelada de la nueche torga andar pelos caminos
o escapase mui llueñe a buscar la poesía.
Xosé Antonio García "Pin"
De Los versos del espeyu
Cuartetu de la criación
Colección Teodoro Cuesta
Ayuntamientu de Mieres. 1989
miércoles, 2 de febrero de 2011
martes, 1 de febrero de 2011
domingo, 30 de enero de 2011
Una y toes les coses (...)
La imagen fue tomada de http://laverdayementira.nireblog.com/cat/reflexonUna y toes les coses
al mesmu tiempu
nel mesmu tiempu
ensin que pase.
Fueu y arena
purificación y nada
infinito y uno.
Todo nuna palabra:
Espeyu, dolor del pensamientu.
De Los Vesos del Espeyu
Cuartetu de la Criación
Xosé Antonio García "Pín"
Colección Teodoro Cuesta
Ayuntamientu de Mieres. 1989
Suscribirse a:
Entradas (Atom)