Si me pidisti amor dalguna vez
camienta que to lluz cegó mios güeyos,
quiciás por ello solo di pallabres,
afalagos, bicos, manes, xestos, besos.
Yera tan rectu'l camín, claru,
que nun fui a topalu nel raxón
del vértice que va camín del centru
del tiempu.
Si me pidisti amor dalguna vez
zarróme los oyíos una voz
como espantible diosa blanca o negra.
Nel tiempu hai una cárcel que mos torga
güeyar, oyer, sentir, de carne y güesos.
Nel firmamentu veo lo futuro
nesti mundu ensin antes nin depués
del tiempu.
Xosé Antonio García Álvarez
Fuente La Voz de Asturias
http://www.lavozdeasturias.es/
No hay comentarios:
Publicar un comentario