martes, 16 de noviembre de 2010

Dous minutos dun baile de derviches

(La foto se tomó de http://serreal.ning.com )

Dous minutos dun baile de derviches

« Dir auch : tauschen die Nächte
dich in ein dunkleres Du... »
Gottfried Benn

Coa eterna disidencia
de omnipresentes emisoras árabes
a estilar enerxía da alta noite
reconstrúes o pasado en dous minutos
-urxentes e inmorais coma unha interna
rítmica transfusión de obscenidade-
a interceptar motores de tortura
nesa atmósfera ardente e muscular
infectada co meu abatimento
que envellece desértico en Europa
coa presencia da morte na epiderme
dun canto sinusoide
en Onda Media.


lois pereiro
poemas 1981/1991

Edicións Positivas
Santiago de Compostela 1992

No hay comentarios: