imagen tomada de http://sarablak.blogspot.com
Si te dixere, Aida, que te quiero,
si acasu una vegada lo dixere
-el güeyu del estanque beba l'agua,
ambure bosques lluvia de xeronda-,
respuéndeme nel intre:
¡Ai, poeta!, inxenu
fíu de puta, si namái esisto
nestos versos inútiles,
¿a quién ames?, ¿a quién-y fales? Dime,
¿por qué emplegues mio nome
pa nun llorar la soledá del alma?
Xosé Antonio García "Pín"
Cuartetu de la Criación
Colección Teodoro Cuesta
Ayuntamientu de Mieres 1989
No hay comentarios:
Publicar un comentario