viernes, 11 de febrero de 2011

Conoces l'amarguxu oficiu esclavu (...)



Foto tomada de http://www.ebierzo.com/post/320


VI
en el principio crio el cielo y la tierra


Conoces l'amarguxu oficio esclavu
d'abasar les palabres fueya arriba:
desque guaje reyíen tos escritos
inorantes copistes de lo ayeno;
supiste aína que la soledá
yera'l nomatu femenín del aire;
coñá y vino ensiñáronte y to padre
que dolor y vivir son un océanu
cuando aínda, infantil xeografía,
yera Xina un pais tres la escombrera.
Conoces bien el falsu sentimientu
d'quel que miente y siente con verdaes
o fai de los sos versos filos finos
y d'ellos texe cuerda comu tanza
y afuega ente apellidos al silenciu.
Desconoces _ al fin, nun sabes nada__
la dignida tranquila de los homes
que puen glayar ensin un res de llerza
l'altu nome ausente del aniciu,
del alma escosa qu'un vaciu llena




Xosé Antonio García "Pin"




De Los versos del espeyu


Cuartetu de la criación


Colección Teodoro Cuesta


Ayuntamientu de Mieres. 1989

No hay comentarios: