garró la magdalena fresca
del mesmu día
que llevaba con élli embaxu'l
sobacu, moyándola naquel
gordu, acutronáu y frailunu
chocolate*, alcordándose
nel intre del Newton aquelli
acutíu pola Mazana, marmullando
-la teoría
lliteraria
tá dafechu
servida, fáigase
entós la Vida
de sópitu
¡ y baíllenla toos!
dende aquel entóncenes (amiyaba la
tardi ensín facer ruíu nengunu
porque de toles formes, ¿pa qué degorrios
facelu?) y nin el tiempu, nin
los sexos, nin la risada de clas, nin tampocu
yá aquel míticu ,
nin la mesma redondez d'un rutíu caleyeru
enxamás de los xamases seríen yá
lo mesmo
-¡Non!
ya valíen pa un rotu o pa un
bonaz remiendu, el casu yera'l bañalos
naquel miraclosu chocolate
alcordándose, ensin meter ruíu nengún,
igual que na tardi aquella
y normanda.
(*) Anque les cróniques y los sos cronistes falen y plumine de té, a l'autor desti poema nun-y val, por qu´'entós nun habería chocolate gordu, acutronáu y frailunu, que-y presta más.
Nel Amaro
Y tu, Marta B., qu'entocies nun yeres, tampocu, l'Anna Karina de les películes de Jean Luc Godard.
Colección Teodoro Cuesta
Ayuntamientu de Mieres 1990
No hay comentarios:
Publicar un comentario